سورۃ البروج مکمل ترجمہ

 

سورۃ البروج

آیت نمبر 1-22

أَعُوذُ بِاللّٰهِ مِنَ الشَّيْطَانِ الرَّجِيمِ

بِسْمِ اللّٰهِ الرَّحْمٰنِ الرَّحِيْمِ

وَالسَّمَآءِ ذَاتِ الۡبُرُوۡجِۙ ۞ وَالۡيَوۡمِ الۡمَوۡعُوۡدِۙ‏ ۞ وَشَاهِدٍ وَّمَشۡهُوۡدٍؕ ۞ قُتِلَ اَصۡحٰبُ الۡاُخۡدُوۡدِۙ ۞ النَّارِ ذَاتِ الۡوَقُوۡدِۙ ۞ اِذۡ هُمۡ عَلَيۡهَا قُعُوۡدٌ ۞ وَّهُمۡ عَلٰى مَا يَفۡعَلُوۡنَ بِالۡمُؤۡمِنِيۡنَ شُهُوۡدٌ ۞ وَمَا نَقَمُوۡا مِنۡهُمۡ اِلَّاۤ اَنۡ يُّؤۡمِنُوۡا بِاللّٰهِ الۡعَزِيۡزِ الۡحَمِيۡدِۙ ۞ الَّذِىۡ لَهٗ مُلۡكُ السَّمٰوٰتِ وَالۡاَرۡضِ‌ؕ وَ اللّٰهُ عَلٰى كُلِّ شَىۡءٍ شَهِيۡدٌ ۞ اِنَّ الَّذِيۡنَ فَتَـنُوا الۡمُؤۡمِنِيۡنَ وَ الۡمُؤۡمِنٰتِ ثُمَّ لَمۡ يَتُوۡبُوۡا فَلَهُمۡ عَذَابُ جَهَنَّمَ وَلَهُمۡ عَذَابُ الۡحَرِيۡقِؕ ۞ اِنَّ الَّذِيۡنَ اٰمَنُوۡا وَعَمِلُوا الصّٰلِحٰتِ لَهُمۡ جَنّٰتٌ تَجۡرِىۡ مِنۡ تَحۡتِهَا الۡاَنۡهٰرُ ؕ ذٰلِكَ الۡفَوۡزُ الۡكَبِيۡرُؕ ۞ اِنَّ بَطۡشَ رَبِّكَ لَشَدِيۡدٌ ۞ اِنَّهٗ هُوَ يُبۡدِئُ وَيُعِيۡدُ‌ ۞ وَهُوَ الۡغَفُوۡرُ الۡوَدُوۡدُۙ ۞ ذُو الۡعَرۡشِ الۡمَجِيۡدُ ۞ فَعَّالٌ لِّمَا يُرِيۡدُ ۞ هَلۡ اَتٰٮكَ حَدِيۡثُ الۡجُـنُوۡدِۙ ۞ فِرۡعَوۡنَ وَثَمُوۡدَؕ ۞ بَلِ الَّذِيۡنَ كَفَرُوۡا فِىۡ تَكۡذِيۡبٍۙ ۞ وَّاللّٰهُ مِنۡ وَّرَآئِهِمۡ مُّحِيۡطٌۚ ۞ بَلۡ هُوَ قُرۡاٰنٌ مَّجِيۡدٌ ۞ فِىۡ لَوۡحٍ مَّحۡفُوۡظٍ  ۞

قسم ہے برجوں والے آسمان کی۔ ۞ اور اس دن کی جس کا وعدہ کیا گیا ہے۔ ۞ اور حاضر ہونے والے کی اور اس کی جس کے پاس لوگ حاضر ہوں ۞ کہ خدا کی مار ہے ان خندق (کھودنے) والوں پر ۞ اس آگ والوں پر جو ایندھن سے بھری ہوئی تھی۔ ۞ جب وہ اس کے پاس بیٹھے تھے۔ ۞ اور وہ ایمان والوں کے ساتھ جو کچھ کر رہے تھے، اس کا نظارہ کرتے جاتے تھے۔ ۞ اور وہ ایمان والوں کو کسی اور بات کی نہیں، صرف اس بات کی سزا دے رہے تھے کہ وہ اس اللہ پر ایمان لے آئے تھے جو بڑے اقتدار والا، بہت قابل تعریف ہے۔ ۞ جس کے قبضے میں سارے آسمانوں اور زمین کی سلطنت ہے۔ اور اللہ ہر چیز کو دیکھ رہا ہے۔ ۞ یقین رکھو کہ جن لوگوں نے مومن مردوں عورتوں کو ظلم کا نشانہ بنایا ہے، پھر توبہ نہیں کی ہے، ان کے لیے جہنم کا عذاب ہے اور ان کو آگ میں جلنے کی سزا دی جائے گی۔ ۞ جو لوگ ایمان لائے ہیں اور انہوں نے نیک عمل کیے ہیں، ان کے لیے بیشک (جنت کے) ایسے باغات ہیں جن کے نیچے نہریں بہتی ہیں۔ یہ ہے بڑی کامیابی۔ ۞ حقیقت یہ ہے کہ تمہارے پروردگار کی پکڑ بہت سخت ہے۔ ۞ وہی پہلی مرتبہ پیدا کرتا ہے اور وہی دوبارہ پیدا کرے گا۔ ۞ اور وہ بہت بخشنے والا، بہت محبت کرنے والا ہے۔ ۞ عرش کا مالک ہے، بزرگی والا ہے۔ ۞ جو کچھ ارادہ کرتا ہے کر گزرتا ہے۔ ۞ کیا تمہارے پاس ان لشکروں کی خبر پہنچی ہے۔ ۞ فرعون اور ثمود (کے لشکروں) کی ؟ ۞ اس کے باوجود کافر لوگ حق کو جھٹلانے میں لگے ہوئے ہیں۔ ۞ جبکہ اللہ نے ان کو گھیرے میں لیا ہوا ہے۔ ۞ (ان کے جھٹلانے سے قرآن پر کوئی اثر نہیں پڑتا) بلکہ یہ بڑی عظمت والا قرآن ہے۔ ۞ جو لوح محفوظ میں درج ہے۔۞